Rumıniya türk-musulman tatarlarınıñ demokratik birliginiñ (UDTTMR) prezidenti Gelil Esergep Rumıniya deñiz flotu kününi qayd etmek içün Rumıniya deñiz flotu tarafından teşkil etilgen tedbirler içün Konstantada olğan Türk deñiz flotunıñ «Oruçreys» fregatı gemisinde keçirilgen qabulda iştirak etti.

Tedbirde Rumıniya Ordusı, merkeziy ve yerli akimiyet organları, diplomatlar, iş vekilleri, Rumıniyadaki türk ve tatar cemiyetleriniñ azaları da bulundılar, olarnen türk diplomatları sıq işbirlikte bulunalar. Qabulda Rumıniyada bulunğan türk iş adamlarınen beraber Rumıniya musulman kultiniñ müftisi Murat Yusuf da iştirak ettiler.

Bu sene Türkiyeniñ deñiz flotu Rumıniya deñiz flotu kününde eki geminen iştirak etti: «Oruçreys» fregatı ve «Heybeliada» körveti, bu İstanbulda leyhalaştırılğan ve qurulğan öz sınıfınıñ birinci gemisidir.

Tedbir Rumıniyanıñ türk ve tatar etnik cemiyetleri ve Türkiye akimiyeti ve deñiz flotu arasında işbirlikni pekitti, eki memleket arasında medeniy ve arbiy dialog anını qayd etti.