# Almaniya, Dortmund

Qırımnıñ Bağatır köyünden kelgen Alim Muratasal bütün ömürini doğmuşlarını tapmaq ümütinde keçirdi, amma bunı tapıp olamadı. 1878 senesi mayıs 27-de doğğan Muratasal öz köyünde oca olıp çalışa, evlene, eki bala östüre. Oğlu Abduraman Foti-Sala köyünde yaşay, qızı ise Kokkös köyünden Abducemil Saniyevge qorantağa çıqa.

Birinci cian cenki vaqtında Alim Muratasal rus ordusında hızmet ete, esir tüşe, Almaniyağa yollana. Cenkten soñ, sovetler tarafından taqip etilmesinden qorqıp, Qırımğa qaytıp olamadı ve qalğan ömürini Frayyenhagendeki fon Gertel qorantasınıñ mülkünde keçirdi. Mında o çalıştı, yaşadı, daima öz doğmuşlarını tapmağa ümüt etti.

Alim Muratasal 1964 senesi iyün 11-de 86 yaşında vefat etti.Onıñ vasiyetine köre, onı qayğırğan fon Gertel qorantası lâyıq cenaze yapıp, onıñ qabir taşını yarım aynen yaraştırdılar. Muratasal, eger onıñ mirasını soy-soplarına yetmese, onıñ qayğısını boynuna alğan alman qorantasına keçmesini arzu ete edi.

Fon Gertellerniñ qorantası Qırımda Muratasalnıñ doğmuşlarını yıllar devamında qıdırdılar, lâkin faydası olmadı. Qıdıruv qorantanıñ nevbetteki nesilinen devam ete, «Qırım dedeniñ» soñki arzusını yerine ketirmege tırışalar.

Eger bu maqalede añılğan adlar sizge tanış olsa ya da añılğan adamlar aqqında malümatıñız olsa, kommentariy qaldırıñız ya da doğrudan-doğru vesiqalı filmlerniñ rejissörı Marianna Gayduçiknen bağlanıñız: mgajduchik@gmail.com, +380975755514.

Tarih – Qırımda soy-aqraba tapmaq içün areketke çağıruvdır: «Qıdırğan mıtlaqa tapar». 🙏🏻 .