2025 senesi sentâbr 28, bazar künü Rumıniya türk-musulman tatarları demokratik birliginiñ qadınlar teşkilâtınıñ azaları Dimitriy Güsti milliy köy müzeyinde «Otmek yarmarkası» çerçivesinde keçirilgen Rumıniya köy künü tedbirine musafirlerni celp ettiler.

Dimitriy Güsti adına milliy köy müzeyi tarafından milletlerara munasebetler bölügi ile işbirlikte teşkil etilgen kulinariya sergisi çeşit milliy azlıqlarnıñ vekillerini bir yerge topladı. İştirakçilerniñ esas maqsadı rumın köyüniñ merkeziy timsali olaraq ötmek olğan aşhane ananelerini taqdim etmek edi.

Musafirler tatar cemiyetiniñ zengin medeniy ve gastronomik mirasını aydınlatıp, yüksek qıymet kesilgen ve qıdırılğan ananeviy tatar aşlarından nümüne ala bildiler.

Tedbir Rumıniyada medeniy çeşitlikni teşviqat etmek ve milliy azlıqlarnıñ ananelerini saqlap qalmaq içün fırsat olıp hızmet etti.