2025 senesi yanvar 30 künü A.F.Losev evinde yazıcı Şevket Keşfidinov ve bestekâr Zera Cemilova ile icadiy aqşam olıp keçti. Bestekârlar «Subet», «Günahlarımıznı bağışla», «Vaqqat lânetliler», «Amet-Hannıñ kökü», «Dunaydan Uralğace», «Âñı ömür» ikâyelerini, em de halq ve özgün muzıkanı icra ettiler.

“Material tanış, amma bu sefer olıp keçken şeylerden yañı duyğularnı is etem, çeşit suallerime cevap eşitem, yañı sualler berem, yañı yollar körem… Bu acayip! Ve öz icadımnen insanlarnı zenginleştirmege nail olğanım acayip”, – dep itiraf etti Zera Cemilova.

“Bugün bizni qabul ettirgen meydanğa pek minnetdarmız. Bizge beklenilmegen derecede çoq musafirler keldi. Bu sıcaq, baar kibi yanvar aqşamında bizge qoşulğan er keske teşekkürler bildiremiz”, – dep, öz fikirini yekünledi Şevket Keşfidinov.