2025 s Tedbir Devlet Duma mebusı Saygidpaşa Umahanov ve Kavkaz halqları Rusiye kongressiniñ teşebbüsinen teşkil etildi. Tögerek masanı belli jurnalist, şarqşınas, siyasetşınas Ruslan Qurbanov alıp bardı.

İştirakçiler arasında Devlet Duma deputatları, Federatsiya Şurasınıñ azaları, din erbapları, milliy-medeniy muhtariyetlerniñ vekilleri, yaşlar birleşmeleri bar edi.

Öz çıqışında Edem Ümerov qırımtatar tiliniñ ağır vaziyeti aqqında ayttı:

«Qırımtatar tili – yarım asırdan ziyade diskriminatsion şaraitlerde yaşağan repressiyağa oğrağan halqnıñ tilidir». Şimdiki vaqıtta onıñ qullanıluvı sıñırlı, mekteplerde oqutuv birinci nevbette mektep vaqıtından tış keçirile, bu ise talebelerniñ sayısı eksilmesine ketire. Qırımtatar tiliniñ faaliyeti aqqında regional qanun qabul etmek ve onı başlanğıç mektepte farz feni yapmaq pek müimdir».

Muzakere vaqtında iştirakçiler qoranta degerliklerini pekitmek, qoranta içinde tuvğan tilini desteklemek, azlıqlarnıñ tillerini saqlap qalmaq içün tasil programmaları ve derslikler vastasınen zorlap devlet destegini temin etmek kerekligini qayd ettiler.

Tögerek masa faal meraq ve muzakere doğurdı, soñki neticeler ve tevsiyeler Rusiye Federatsiyası Prezident İdaresi, Federatsiya Şurası, Devlet Dumasınıñ uyğun vezirliklerine ve komitetlerine, em de bütün memleketteki oquv ve akademik müessiselerine yollanacaq.